CMATI

Vostede está en:
|
|
|
Compartir

Cardamine raphanifolia (Cardamine raphanifolia)

Descrición

Planta herbácea, perenne, glabra, que pode alcanzar unha lonxitude de ata 70 cm. Ten unha roseta basal da que sae un talo erecto e delgado no que se encontran follas lirado-pinnadas. As flores desta especie, agrupadas en acios terminais, teñen pequenísimos pétalos violetas ou brancos cando están a punto de desprenderse, e presentan unhas rechamantes anteras amarelas.

Reprodución

Florece en maio-xullo. Entomófila.

Hábitat

Vive en bordos de arroios e fontes, prados húmidos e sitios sombríos de bosques caducifolios, a 200-2000 m s.n.m. Pertence á clase Montio-Cardaminetea, que agrupa as comunidades fontinais pedinas, propias de augas temperadas ou temperado-frías, óligo-meso-éutrofas pouco contaminadas, polo xeral esciófilas.

Distribución

Endemismo do cuadrante NO da península Ibérica. En Galicia atópase en áreas de montaña das provincias de Lugo e Ourense.

Estado de conservación

Pouco común e sensible á alteración do seu hábitat.

Categoría de conservación

Vulnerábel.

Nome común Cardamine raphanifolia Nome científico Cardamine raphanifolia Clase Plantas superiores Familia Cruciferae

Documento/s relacionados
Subir