CMATI

Vostede está en:
|
|
|
Compartir

Acereiro (Prunus lusitanica)

Descrición

Pequena árbore perennifolia que pode alcanzar 10 m de lonxitude, coa codia dunha cor gris escura. Follas simples, ovado-lanceoladas, levemente pilosas por ambas as caras, algo coriáceas, lixeiramente dentadas. Face verde relucente e envés máis pálido e glauco. Flores brancas reunidas en acios.

Reprodución

Florece a finais da primavera (arredor de xuño) e os froitos maduran en outono.

Hábitat

Encóntrase nos bosques de montaña, en avesíos e gargantas sombrizas das montañas.

Distribución

Considérase unha reliquia do Terciario. En España atópase na metade norte. En Galicia está presente na provincia de Ourense, concretamente na serra do Xurés e no canón do río Arnoia, onde é escaso.

Estado de conservación

Os hábitats nos que medra vense afectados pola apertura de pistas para a explotación hidroeléctrica.

Categoría de conservación

Vulnerábel.

Nome común Acereiro Nome científico Prunus lusitanica Clase Plantas superiores Familia Rosaceae

Documento/s relacionados
Subir