Na realización dos diferentes traballos asignouse a dirección dos mesmos tal e como se relaciona a continuación, aínda que as partes colaboraron en todos eles:
O proceso de definición de metodoloxía e modelos é o que presenta características específicas máis relevantes, sen que iso signifique que o deseño e preparación do Geoportal ou a realización doutras actividades supuxesen unha menor necesidade de achega de ideas ou de procesos ben definidos e de esforzo, para levar as devanditas actividades a cabo.
Para a elaboración da metodoloxía e modelos seguiuse o seguinte proceso:
LABORATORIO DE IDEAS
O termo “laboratorio de ideas” amosa a necesidade de pensar e preparar as actuacións necesarias para a obtención dos modelos, así como as propias actividades de reflexión conducentes a fixar hipótese sobre o sistema obxecto do proxecto: o territorio coa complexidade das actividades e relacións que nel se producen, que permitirá a concreción dos modelos de actuación nel e sobre del para conseguir o desenvolvemento sustentable.
Este laboratorio de ideas compúxose de expertos e técnicos e foi coordinado pola Axencia de Ecoloxía do Eixo Atlántico.
O devandito conxunto de expertos estaba formado polo Comité Científico da Axencia de Ecoloxía, con dous expertos externos adicionais e a colaboración e participación do Instituto de Estados do Territorio.
O laboratorio constituíu o núcleo onde xerminaron as ideas, conceptos e definicións de instrumentos que permitiron a elaboración e redacción final dos documentos relativos á metodoloxía e modelos de xestión sustentable.
DEFINICIÓN E DESELVOLVEMENTO DA METODOLOXÍA DE TRABALLO
En paralelo coa actividade anterior procedeuse a definir e desenvolver unha metodoloxía de traballo por fases:
Fase I: Referencias estratéxicas
Estudo exhaustivo de toda a documentación existente, ben a nivel de estratexias, como a nivel de documentos relativos ao seguimento do desenvolvemento sustentable (informes de monitoraxe, guías de elaboración, etc.) e de instrumentos de xestión territorial (Planos Rexionais de Ordenación do Territorio e Directrices de Ordenación do Territorio).
Fase II: Definición dos Eixos Estratéxicos
Foron definidos para o ámbito rexional os Eixos Estratéxicos cuxa función é facilitar os procesos de análises para avaliar a sustentabilidade da eurorrexión. No ámbito sub-rexional foron identificadas as Compoñentes Territoriais de Base Estratéxica (CTBE) constituídas por variables que estruturan o sistema de indicadores para xestión e monitorizar a sustentabilidade no ámbito local.
Fase III: Sistema de indicadores
Realízase nesta fase a identificación dos indicadores existentes e a definición e metodoloxía de elaboración de novos indicadores, a análise dos mesmos e a selección dos que configurarán o modelo final; tanto para indicadores de ámbito suprarregional como subregional.
Fase IV:
Ámbito suprarrexional (rexional): definición das “Bases estratéxicas para a sustentabilidade” a través de:
Ámbito sub-rexional:
Definíronse os indicadores cuxos valores de referencia e/ ou contexto dependen de características específicas das áreas para xestionar.
Para o resto dos indicadores definíronse valores/tendencias que definen o modelo.