CMATI

En función do son que se estea producindo e o nivel acadado estaremos falando de ruído ou non. Se ben ese é un límite subxectivo, non así as consecuencias que pode supoñer.

Como se pode ver na seguinte figura, en función do nivel de ruído haberá uns impactos na saúde que poden chegar a ser irreversibles: desde efectos subxectivos como molestias (máis de 50 dB), ata fisiolóxicos como o deterioro na audición (máis de 100 dB), pasando por efectos psicolóxicos como as interferencias na comunicación, descanso ou sono.

Boas prácticas

• Na casa:
  • Controlar o volume dos electrodomésticos máis ruidosos.
  • Desenvolver as actividades máis molestas e situar os elementos máis ruidosos como televisións, radios, lavadoras etc. alonxados dos lugares de descanso e en horario diurno.
  • Introducir distintos sistemas de mellora do illamento acústico como a dobre ventá.
  • Ser o máis respectuoso coa veciñanza no desenvolvemento de festas.
• Na rúa:
  • Evitar exposicións continuadas a ruído con niveles superiores a 90 dB, pois pode supoñer dende perda de audición e alteracións nerviosas ata traumas acústicos ou alteracións hormonais.
  • Non gritar nin falar alto, sobre todo á saída dos lugares de ocio, así como na noite. Respectando o descanso dos veciños.
  • Educar aos animais domésticos para que non fagan ruído.
  • As obras evitaran as horas de descanso e o ruído.
• No traballo:
  • Manter conversas en niveis baixos para non molestar.
  • Levar tapóns para aquelas actividades que, aínda non sendo obrigatorio, o recomenden, por alcanzarse niveis próximos aos limiares.
• Nas estradas e polígonos:
  • Conducir en marchas longas e sen aceleróns.
  • Evitar a utilización da bucina
  • Manter en bo estado o vehículo, revisando o tubo de escape.
  • Insonorizar distintas zonas do territorio con alta potencialidade de xeración de ruído mediante elementos de apantallamento acústico tales como barreiras.
  • Tentar evitar o uso de motocicletas ruidosas.
  • Mellorar o pavimento.