CMATI

Vostede está en:
|
|
|
Compartir

Paxariños amarelos (Linaria polygalifolia subsp. aguillonensis)

Descrición

Planta perenne, talos de ata 40 cm, ramificados na metade superior. Follas ovado-elípticas. Inflorescencia en acio de 2-6 flores hermafroditas de color amarela e con sépalos desiguais. A polinización realízase por medio de insectos (entomofilia). As sementes presentan unha á membranosa ancha que podería indicar un tipo de dispersión polo vento.

Demografía

Difícil de estimar dada a complicada accesibilidade aos acantilados.

Hábitat

Vive en acantilados e areais costeiros.

Distribución

As poboacións distribúense ao longo da costa da Coruña, desde o cabo Vilán ata Estaca de Bares, e están incluídas no LIC Costa Ártabra e no LIC Costa da Morte.

Estado de conservación

Foi afectada polo vertido de fuel do petroleiro Prestige (no cabo Vilán). Ademais disto, unha ameaza moi importante para esta especie é a construción de paseos e acondicionamento das praias.

Categoría de conservación

En perigo de extinción.

Nome común Paxariños amarelos Nome científico Linaria polygalifolia subsp. aguillonensis Clase Plantas superiores Familia Scrophulariaceae

Documento/s relacionados
Subir