Axúdenos a mellorar achegando as súas observacións e suxestións de carácter ambiental
A participación pública é un elemento fundamental na avaliación ambiental, dando oportunidade aos cidadáns para que contribúan na elaboración de proxectos que poidan afectar o ambiente e na decisión da súa viabilidade.
As administracións públicas afectadas, o público interesado e o público en xeral poden formular, no prazo máximo de 30 días, as observacións e suxestións de carácter ambiental que estimen oportunas para determinar:
- se un proxecto, sometido ao procedemento simplificado de avaliación do impacto ambiental, ten ou non efectos ambientais significativos. (AIA simplificada)
- o alcance que debería ter o estudo de impacto ambiental dun proxecto sometido ao procedemento ordinario de avaliación do impacto ambiental. (Alcance do EsIA)
- aportacións á avaliación dun proxecto sometido ao procedemento ordinario de avaliación do impacto ambiental en período de información pública mediante anuncio no DOG. (IP AIA ordinaria)
As observacións e suxestións poden formularse por calquera das seguintes vías:
- A través do formulario informático habilitado nesta páxina web
- Mediante fax remitido ao número 981 541 048
- A través do correo electrónico: prevencion.ambiental.cma@xunta.es
- Mediante escrito presentado no rexistro administrativo da Consellería de Medio Ambiente, Territorio e Infraestruturas, situado nas súas dependencias de San Lázaro s/n, en Santiago de Compostela
En calquera dos medios empregados deberá identificarse quen formula as observacións ou suxestións (nome da unidade administrativa, ou nome do colectivo, ou nome e apelidos da persoa), facilitando tamén os datos de contacto.
Para consultar os proxectos tramitados pola Secretaría Xeral de Calidade e Avaliación Ambiental, que se atopan nestas fases de participación pública, prema nesta ligazón